په جوزجان ولایت کې له درملیزو تاسیساتو څخه د ورځنۍ څارنې پر مهال ۳۶ قلمه مختلف ډول تاریخ تېره درمل ترلاسه شوي دي
په جوزجان ولایت کې له درملیزو تاسیساتو څخه د ورځنۍ څارنې پر مهال ۳۶ قلمه مختلف ډول تاریخ تېره درمل ترلاسه شوي دي؛
۳/۷/۱۴۴۵
جوزجان ولایت کې د خوړو او درملو ملي ادارې آمریت له درملیزو او خوراکي تاسیساتو څخه د څارنې ټیمونو د روان ۱۴۴۵ هـ ق کال د رجب د میاشتې په دوهمه نیټه د یاد ولایت مرکز اړوند له ۲ بابه درملتونونو څخه څارنه ترسره کړې ده.
ددغې څارنې پر مهال ۳۶ قلمه تاریخ تېر او ۳ قلمه غېر قانوني درمل ترلاسه او د هدر په موخه په یاد ولایت کې د خوړو او درملو ملي ادارې د آمریت ودانۍ ته انتقال شوي دي.
همدا راز یاده څارنه کې جوزجان کې د ادارې آمریت اړوندو تاسیساتو ته لارښوونه کړې ترڅو خپلې چارې او خدمات د خوړو او درملو ملي ادارې د اصولو سره سم برابر او مخته یوسي.
