ننګرهار ولایت کې له خوراکي تاسیساتو څخه د ورځنۍ څارنې پر مهال ۱۵۰ کیلو ګرامه تاریخ تېره خوراکي توکي ترلاسه شوي دي
ننګرهار ولایت کې له خوراکي تاسیساتو څخه د ورځنۍ څارنې پر مهال ۱۵۰ کیلو ګرامه تاریخ تېره خوراکي توکي ترلاسه شوي دي
۵/۷ ۱۴۴۵
په ننګرهار ولایت کې د خوړو او درملو ملي ادارې، ریاست له درملیزو او خوراکي تاسیساتو څخه د څارنې ټیمونو پرون سه شنبه د روان ۱۴۴۵ هـ ق کال د رجب د میاشتې په ۴ نیټه د یاد ولایت مرکز دریمې ناحیې اړوند، د کیک او کلچو له دوه تولیدي فابریکو او درې بابه خوراکه پلورنځیو څخه څارنه کړې ده.
په دغې څارنه کې یادو ذکر شویو فابریکو ته ستونزې او مشکلات په نښه او مسؤولینو ته یی د اصلاح امر وشو، همداراز دوی ته د غذایی مصؤنیت اړوند مهم نقاط تشریح شول تر څو ټول کارکوونکي یې باید د تولید پرمهال ځانکړي لباس، ماسکونه، خولۍ او دستکشې ولري او د پاکو اوبو او وسایلو څخه استفاده وکړي.
د یادونې وړ ده د یادو تاسیساتو څخه ۱۵۰ کیلو ګرامه تاریخ تېره خوراکي توکي ترلاسه اود لمنځه وړلو په موخه په یاد ولایت کې د خوړو او درملو ملي ادارې د ریاست ودانۍ ته انتقال شوي دي.
