د خوړو او درملو ملي ادارې سرپرست د یو شمیر بین المللي مؤسسو له استازو او مسؤولینو سره وکتل

د خوړو او درملو ملي ادارې سرپرست د یو شمیر بین المللي مؤسسو له استازو او مسؤولینو سره وکتل؛
۱۹/۱۰/۱۴۴۵
د افغانستان د خوړو او درملو ملي ادارې، سرپرست ډاکټر صاحب عبدالباري "عمر" نن یکشنبه د روان ۱۴۴۵ هـ ق کال د شوال د میاشتې په ۱۹ نیټه د روغتیا نړیوال سازمان(who) د ماشومانو څخه د ملاتړ صندوق (UNICEF)  او (UNFPA)  مؤسسو له استازو سره د یادې ادارې په مقام کې وکتل.
په دغې کتنه کې دخوړو او درملو خوندیتوب، خوارځواکۍ لاملونو، داخلي تولیداتو او یو شمیر نورو مهمو مواردو بحث او خبرې ترسره شوې.
د ناستې په پیل کې د خوړو او درملو ملي ادارې سرپرست د یادو مؤسسو استازو ته د ښه راغلاست ترڅنګ  د تېرې ادارې په پرتله د یادې ادارې اوسني وضعیت او لاسته راوړونو په تړاو معلومات شریک کړل، نوموړي خورار ځواکۍ ته په اشاري سره وویل چې یادې ناروغۍ اصلي عامل خوندي خوړو ته د خلکو نه لاس رسی ده چې باید په ګډه د یادې ناروغۍ  د لمنځه وړولو لپاره  کار وشي.
ښاغلي "عمر" وویل چې یاده اداره هڅه کوي ترڅو د خلکو د روغتیا د ساتنې په موخه لا کوټلي ګامونه پورته کړي نوموړي زیاته کړه، چې په تېرو دوه کلونو کې یې د یادې ادارې په سیستم جوړونه کار کړی او د خوړو او درملو د قانونونو ترڅنګ یې  د مختلفو برخو لپاره ۳۵ کړنلارې جوړې کړې دي.
په ورته وخت کې د یادو مؤسسو استازو د خوړو او درملو ملي ادارې لپاره د یادې ادارې د رهبرۍ کارونه وستایل او د درملو د وارداتو او یادې چارې  د ګړندیتوب، په اړه یې خپلې ستونزې شریکې کړې.
پر همدې مهال ښاغلي "عمر" د هغوی ستونزو ته په اشاره وویل  چې د نړیوالو قوانینو له مخې هر مؤسسه او سازمان چې په کوم هیوآد کې فعالیت کوي باید د هغه هېواد داخلي ظرفیت په نظر کې ونیسي، نوموړي په تینګار وویل چې افغانستان د ملي او بین المللي معیاراتو په درلودو سره د درملو د تولید فابریکې لري او هر هغه مؤسسه چې په داخل کي  درملیزخدمات وړاندې کوي اړ ده ترڅو د داخلي تولیداتو د پراختیا په موخه د افغانستان د درملو له داخلي تولیدي فابریکو او د درملو داخلي مارکیټ څخه درمل واخلي.
نوموړي د خپلو خبرو په دوام کې وویل چې د خوړو او درملو ملي اداره یوازنی موخه  د خلکو د روغتیا ساتنه ده او یادې موخې ته د رسیدو لپاره یې باید هر اړخیز ډول ملاتړ وشي ترڅو د معیار او ستنډرډ څوکې ته ورسیږي.