د خوړو او درملو ملي ادارې د پنځه منزله ودانۍ ترمیم د پروژې ازاده دواطلبي د شفافي پروسې په ترڅ کې ترسره شوه
د افغانستان د خوړو او درملو ملي ادارې، د پنځه منزله ودانۍ د ترمیم پروژه، چې څه موده وړاندې د ادارې د تدارکاتو امریت له لورې ازادې دواطلبۍ ته سپارل شوې وه، د داوطلبۍ پروسه یې نن پنجشنبه د روا ن ۱۴۴۵ هـ ق کال د جمادی الاول د میاشتې په ۲۵ نیټه د ادارې د ناستو په تالار کې د یوې شفافي پروسې په ترڅ کې ترسره شوه.
په دغې داوطلبۍ کې د ګډون په موخه شاوخوا لسو شرکتونو نوم لیکنه کړې وه، چې له ډلې یې درې لوژستیکي شرکتونو ( عمرقیام، پيشګام مسکن، او کلنس کابل په عملي ډول ګډون وکړ او خپل وړاندیزونه یې د تدارکاتو د طرزاعملونو قانون له مخې وړاندې کړل، د یادې داوطلبۍ ګټوونکی شرکت به د خوړو او درملو ملي ادارې د ارزونې د کمیټې له ارزولو وروسته اعلان شي.
