د خوړو او درملو ملي ادارې د خوړو د خوندیتوب عمومي رییس او مل پلاوي بلخ ولایت ته د خپل سفر په ترڅ کې د یاد ولایت د احکامو او فرامينو د نظارت له رییس او د علما شورا د استازو سره وکتل
د خوړو او درملو ملي ادارې د خوړو د خوندیتوب عمومي رییس او مل پلاوي بلخ ولایت ته د خپل سفر په ترڅ کې د یاد ولایت د احکامو او فرامينو د نظارت له رییس او د علما شورا د استازو سره وکتل؛
1445/08/2 هـ ق
د افغانستان د خوړو او درملو ملي ادارې د خوړو د خوندیتوب عمومي رییس ډاکټر صاحب نعیم ایوبي، د خوراکي تاسیساتو د ثبت، لارموندنې او جواز ورکولو رییس انجینیر محمد ولي عادل بلخ ولایت ته د خپل سفر په ترڅ کې پرون دوشنبه د روان 1445 هـ ق کال د شعبان د میاشتې په لومړۍ نیټه د یاد ولایت د احکامو او فرامينو د نظارت له رییس مولوي صاحب طه او د علماوو شوار د استازو سره وکتل.
په دغې لیدنه کې ښاغلي ایوبي د خوړو او درملو ملي ادارې فعالیتونه، لاس ته راوړنې او په بلخ ولایت کی د خوړو او درملو ریاست لاسته راوړنې او ستونزې له هغوی سره شریکې کړې.
په ورته وخت ښاغلي طه او د علما شوار استازو ياد پلاوي ته پوره همکارۍ ډاډ ورکړ او زیاته یې کړه چی د بلخ ولایت د خوړو او درملو ریاست باید له یادو او نورو اړوندو ادارو سره پوره همغږي ولري.
