د خوړو او درملو ملي ادارې سرپرست د UNFPA له مرستیال سره وکتل
د خوړو او درملو ملي ادارې سرپرست د UNFPA له مرستیال سره وکتل
د افغانستان د خوړو او درملو ملي ادارې سرپرست ډاکټر صاحب عبدالباري عمر د UNFPA مؤسسې له مرستیال ښاغلي مارک هاچنسن سره په خپل کاري دفتر کې وکتل.
په دغې لیدنه کې مارک هاچنسن د ادارې له مشرتابه څخه غوښتنه وکړه چې د دوی د درملو د وارداتو پروسه کې ګړندیتوب رامنځته کړي.
په ورته وخت کې د ادارې محترم رییس ډاکټر صاحب عبدالباري عمر وویل، هر مؤسسه چې افغانستان ته درمل واردوي باید په لومړي قدم کې د افغانستان درملیزو تولیداتو ته اولیت ورکړې او د داخلي تولیداتو څخه دې ګټه پورته کړي ځکه د افغانستان د درملو تولیدات لوړ کیفیت لرونکي دي، او هغه درمل چې په افغانستان نه تولیديږي مؤسسات اړ دي ترڅو د بهر له هغو کمپنیو څخه یې واردات ترسره کړي چې د افغانستان د خوړو او درملو ملي اداره کې ثبت وي.
