د خوړو او درملو ملي ادارې پر هغو کارکوونکو ډالۍ وویشل شوې چې د دعوت او ارشاد ریاست په دیني آزموینه کې لوړې نمرې ترلاسه کړې وې
د افغانستان د خوړو او درملو ملي ادارې سرپرست ډاکټر صاحب عبدالباري عمر نن یکشنبه د روان ۱۴۴۵ هـ ق کال د جمادی الاول د میاشتې په ۱۹ نیټه د یوې ستاینغونډې په ترڅ کې د ادارې پر هغو کارکوونکو ډالۍ وویشلې، چې د دعوت او ارشاد ریاست درسونو په دیني ازموینه کې لوړې نمرې ترلاسه کړې وې.
ښاغلي عمر په یاده غونډه کې ټینګار وکړ، چې موږ مسلمانان یو او خاص د الله ج د عبادت په موخه دې دنیا ته راغلي یو او که د ژوند ټولې چارې د الله ج د رضا او دشریعت مطابق مخ ته یوسو نو هر کار مو په عبادت شمیرل کیږي.
ښاغلي عمر د ادارې له کارکوونکو وغوښتل چې د الله ج د رضا لپاره خپل ځانونه په نبوي سیرت او صورت برابر کړئ، د مراجعینو ستونزو ته رسیدنه وکړي او عبس د هغو وخت مه ضایع کوئ او کوم درسونو چې د عوت او ارشاد ریاست له لورې درکول کیږي ډېر کوشش وکړئ.
په ورته وخت کې د درملو او روغتیايي محصولاتو معین حاجي صاحب رحمت الله رؤفي په اداره کې د عوت او ارشاد ریاست فعالیتونه وستایل او زیاته کړه چې د یاد ریاست د فعالیتونو په ترڅ ۸۰ سلنه کارکوونکو خپل ځانونه په نبوي سیرت او صورت برابر کړي دي.د ناستې په پای کې د دعوت او ارشاد ریاست د ازموینې د پایلو د پوره روڼتیا ډاډ ورکړ.
