ننګرهار ولایت کې د ورځنۍ څارنې په ترڅ 22قلمه او 50کیلو ګرامه مختلف ډول بې کیفیته خوراکي توکي او درمل ترلاسه شول

ننګرهار ولایت کې د ورځنۍ څارنې په ترڅ 22قلمه او 50کیلو ګرامه مختلف ډول بې کیفیته خوراکي توکي او درمل ترلاسه شول؛

1445/08/21 هـ ق

ننګرهار ولایت کې د خوړو او درملو ملي ادارې ریاست، له درملیزو او خوراکي تاسیساتو څخه د څارنې ټیمونو پرون شنبه د روان 1445هـ ق کال د شعبان د میاشتې په 21نیټه د یاد ولایت مختلفو ناحیو  اړوند له 2 بابه درملتونونو، 3بابه دولتي تصدیو او 6بابه د خوراکي توکو له پلورنځیو څخه څارنه ترسره کړه.

ددغې څارنې په ترڅ کې 22قلمه او 50کیلو ګرامه مختلف ډول تارېخ تېر، بې کیفیته او غېر معیاري درمل او خوراکي توکي ترلاسه او د لمنځه وړلو په موخه په یاد ولایت کې د خوړو او درملو ملي ادارې د ریاست ودانۍ ته انتقال شول.

همدارنګه د دې بازرسۍ په ترڅ کې ځينې درمليزو او خوراکي تاسيساتو ته چې مختلفې ستونزې يې لرلې، توصيې او سپارښتنې وشوې او د ستونزو د حل تعهد ترې واخېستل شو.