په خوست ولایت کې د ورځنۍ څارنې په ترڅ 1140بستې تارېخ تېر او بې کیفیته مشروبات(مرانډا) ترلاسه شول

په خوست ولایت کې د ورځنۍ څارنې په ترڅ  1140بستې تارېخ تېر او بې کیفیته مشروبات(مرانډا) ترلاسه شول؛

1445/08/21 هـ ق

خوست  ولایت کې د خوړو او درملو ملي ادارې آمریت، له درملیزو او خوراکي تاسیساتو څخه د څارنې ټیمونو پرون شنبه د روان 1445هـ ق کال د شعبان د میاشتې په20 نیټه د یاد ولایت مرکز اړوند د جوسو او ماشومانو د شیرنۍ  له 2 بابه تولیدي فابریکو څخه څارنه ترسره کړه.

ددغې څارنې په ترڅ کې 1140 بستې مشروبات (مرانډا) چې شمیر یې (6840) بوتله کیږي، 7 بشکي ذايقه او 2 کارتنه تارېخ  تېره ژاولې ترلاسه او د لمنځه وړلو په موخه په یاد ولایت کې د خوړو او درملو ملي ادارې د آمریت ودانۍ ته انتقال شول.

همدا راز د خوراکي توکو د خوندیتوب او ساتلو په اړه د یادو خوراکي تاسیساتو مسؤولینو ته اړینې او لازمې سپارښتنې وشوې.