په ننګرهار ولایت کې د جوسو او شيدو د دوه شرکتونو له نماينده ګيو څخه څارنه وشوه
په ننګرهار ولایت کې د جوسو او شيدو د دوه شرکتونو له نماينده ګيو څخه څارنه وشوه؛
1445/08/22 هـ ق
په ننګرهار ولایت کې د خوړو او درملو ملي ادارې، ریاست له خوراکي تاسیساتو څخه د څارنې ټیمونو پرون یکشنبه د روان 1445 هـ ق کال د شعبان د میاشتې په 21 نیته د یاد ولایت مرکز اړوند جلال اباد ښار کې د جوسو او شيدو د دوه شرکتونو له نماينده ګيو څخه څارنه ترسره کړه.
ددغې څارنې په ترڅ کې 19 کارتنه بې کيفيته Classic cranberry juice په نوم جوس چې پايله يې د ننګرهار ولایت د خوړو او درملو رياست د لابراتوار د ازمایښت پر اساس منفي وه، ترلاسه او د هدر په موخه د یاد ولایت خوړو او درملو رياست ودانۍ ته انتقال شول.
