د خوړو د خوندیتوب عمومي رییس ننګرهار ولایت ته د خپل سفر په ترڅ کې د یاد ولایت له محترم والي سره کتلي دي

د خوړو د خوندیتوب عمومي رییس ننګرهار ولایت ته د خپل سفر په ترڅ کې د یاد ولایت له محترم والي سره کتلي دي؛
1445/09/1 هـ ق
د افغانستان د خوړو او درملو ملي ادارې، د خوړو د خوندیتوب عمومي رییس حافظ ډاکټر صاحب نعیم الله ایوبي د یوه پلاوي په مشرۍ ننګرهار ولایت ته د خپل سفر په ترڅ کې پرون دوشنبه د روان 1445هـ ق کال د رمضان د میاشتې په 1نیټه د یاد ولایت له محترم والي الحاج ملا محمد نعیم آخند سره وکتل.
په دغې کتنه کې ښاغلي ایوبي د خوړو او درملو په برخه کې د خوړو او درملو ملي ادارې وروستیو فعالیتونو او لاسته راوړونو په اړه معلومات وړاندې کړي دي او د ننګرهار له محترم والي څخه یې په یاد ولایت د خوړو او درملو ملي ادارې د ریاست څخه د ملاتړ په برخه کې مننه وکړه.
په ورته وخت کې د ننګرهار محترم والي الحاج ملا محمد نعیم آخند یاد پلاوي ته ښه راغلاست ترڅنګ په یاد ولایت کې د خوړو او درملو ملي ادارې د ریاست فعالیتونه وستایل او په راتلونکي کې یې هم د پوره همکارۍ او ملاتړ ډاډ ورکړ.