ننګرهار ولایت کې د ورځنې څارنې په ترڅ کې له ۱۷ بابه درملیزو او خوراکي تاسیساتو څخه څارنه ترسره شوه؛

ننګرهار ولایت کې د ورځنې څارنې په ترڅ کې له ۱۷ بابه درملیزو او خوراکي تاسیساتو څخه څارنه ترسره شوه؛
۱۱/۱۱/۱۴۴۵ هـ ق
د ننګرهار ولایت د خوړو او درملو ریاست له درملیزو او خوراکي تاسیساتو څخه د څارنې ټیمونو پرون یکشنبه د روان ۱۴۴۵ هـ ق کال د ذوالقعدې د میاشتې په ۱۰ نیټه د یاد ولایت مرکز جلال اباد ښار کې د درملو  له ۵ بابه عمده پلورنځيو، ۱ باب درملتون، ۱۰ بابه خوراکه پلورنځي او ۱ باب سوپر مارکيټ څخه څارنه ترسره کړې ده، چې په پایله کې ۱۲ کارتنه مختلف ډول تارېخ تېر درمل او خوراکي توکي ترلاسه او د لمنځه وړلو په موخه یې د یاد ولایت د خوړو او درملو ریاست ودانۍ ته انتقال کړل.
د یادې څارنې په ترڅ کې درمليزو تاسيساتو مسؤلينو ته د غير معياري درملو د نه پلور، نرخونو کنترول، په درملتون کې د فني مسؤل شتون او نورو موجودو ستونزو په اړه سپارښتنې هم وشوې.