د درملو د بهرنیو تولیدي کمپنیو د نوې کړنلارې له مخې درې کمپنۍ او د هغو اړوند درې قلمه درمل پاس شول؛
د افغانستان د خوړو او درملو ملي ادارې، د درملو د بهرنیو کمپنیو او دهغو د اړوند اقلامو د کمیټې شپږمه نوبتي ناسته نن یکشنبه د روان ۱۴۴۵ هـ ق کال د جمادي الاول د میاشتې په ۱۹ نیټه د مقام د ناستو په تالار کې ترسره شوه.
د ثبت او راجستریشن د کمې تې په یاده ناسته کې، چې خوړو او درملو ملي ادارې د سرپرست ډاکټر صاحب عبدالباري عمر په رهبرۍ ترسره کیږي د هندوستان هیواد د درملو دوه کمپنۍ ( Curetech skincare ) ( Synkorp laboratories ) او د پاکستان هېواد ( Himark laboratories ) درملو تولیدي یوه کمپنۍ او د یادو کمپنیو درې قلمه اړوند درمل له هر اړخیزې څیړنې او پلټنې وروسته د ادارې د درملو د بهرنیو تولیدي کمپنیو د نوې کړنلارې له مخې پاس او د سرتفیکټ د اخیستلو وروسته به ورته په رسمي ډول هېواد ته د وارداتو اجازه ورکړل شي.
د یادونې وړ ده چې تردې دمه پورې د خوړو او درملو ملي ادارې د درملو د بهرنیو کمپنیو او د هغو اړوند درملیزو اقلامود نوې کړنلارې له مخې درملو ۶ بهرنۍ کمپنۍ او د هغو اړوند ۱۴ قلمه درمل ثبت شوي دي.
