د خوړو او درملو ملي ادارې یو شمیر اداري کارکوونکو ته په کمپیوټري پرګرامونو کې د ظرفیت لوړونې یو میاشتنی ښوونیز پرګرام پیل شو
۲۰/۴/۱۴۴۵
د افغانستان د خوړو او درملو ملي ادارې یو شمیر ادارې کارکوونکو ته د ادارې د ظرفیت لوړونې مدیریت له لورې په کمپیوټري پرګرامونو کې د ظرفیت لوړونې په موخه یو میاشتنی ښوونیز پرګرام پرون شنبه د روان ۱۴۴۵ هـ ق کال د ربیع الثاني د میاشتې په ۲۰ نیټه پيل شو.
د یادې پرګرام پرانست غونډه کې د ادارې لوی رییس ډاکټر صاحب عبدالباري عمر د هغو کارکوونکو لپاره دا یو ښه فرصت وباله چې په کمپیوټري برنامو کې ستونزې لري، همدا راز ښاغلي عمر له کارکوونکو وغوښتل چې وخت ته ارزښت ورکړئ او له یاد ښوونیز پرګرام څخه په سمه توګه ګټه پورته کړئ، په منظم ډول یې تعیقیت کړئ، د غیرحاضرۍ څخه ډډه وکړئ .
