د افغانستان د خوړو او درملو ملي ادارې سرپرست کندهار ولایت ته د خپل سفر په ترڅ کې د یاد ولایت د ګمرک څخه لیدنه وکړه.
د افغانستان د خوړو او درملو ملي ادارې سرپرست کندهار ولایت ته د خپل سفر په ترڅ کې د یاد ولایت د ګمرک څخه لیدنه وکړه.
1445/07/12 هـ ق
د افغانستان د خوړو او درملو ملي ادارې سرپرست ډاکټر صاحب عبدالباري عمر او د درملو او روغتیايي محصولاتو معین حاجی صاحب رحمت الله رؤفي او ورسره مل پلاوې کندهار ولایت ته د خپل سفر په ترڅ کې پرون سه شنبه د روان 1445هـ ق کال د رجب د میاشتې په 11 نیټه د یاد ولایت د ګمرک له رییس ښاغلي الحاج مولوي سفر محمد سحر سره وکتل.
په دغې کتنه کې پر بیلابیلو موضوعات لکه سوداګرو ته د آسانتیاوو برابرول، معیاري ګدامونه جوړول او په یاد ولایت کې د ادارې د ریاست او ګمرک ترمنځ د ښې همغږۍ او ورته نورو موضوعاتو پر سر هر اړخیز بحث او خبرې ترسره شوې.
