په کونړ ولایت کې د ورځنۍ څارنې پر مهال 137 قلمه مختلف ډول تارېخ تېر او غیر معیاري درمل ترلاسه شوي دي.
په کونړ ولایت کې د ورځنۍ څارنې پر مهال 137 قلمه مختلف ډول تارېخ تېر او غیر معیاري درمل ترلاسه شوي دي.
1445/07/23 هـ ق
په کونړ ولایت کې د خوړو او درملو ملي ادارې آمریت، له درملیزو او خوراکي تاسیساتو څخه د څارنې ټیمونو پرون شنبه د روان 1445هـ ق کال د رجب د میاشتې په 22 نيته د یاد ولایت مرکز اړوند له (7 بابه درملتونونو، 7 بابه د درملو عمده پلورنځۍ او 3 بابه د درملو له ګدامونو) څخه څارنه کړې ده.
ددغې ورځنۍ څارنې په ترڅ کې 137 قلمه تاریخ تېر او غېر قانوني درمل ترلاسه او د لمنځه وړلو په موخه په یاد ولایت کې د خوړو او درملو ملي ادارې د آمریت ودانۍ ته انتقال شوي دي.
همدار په یاد څارنه کې درملیزو تاسیساتو ته توصیې وشوې ترڅو په یاد ولایت کې د ادارې آمریت ته تشریف راوړي او مسؤل فني کارت ترلاسه کړي او خپلې چارې د خوړو او درملو ملي ادارې د اصولو او قوانینو مطابق برابرې کړي.
