د خوړو او درملو ملي ادارې د خوړو د خوندیتوب عمومي رییس د آیسکریمو د تولیدي فابریکو د اتحادیې له غړو او مسؤولینو سره وکتل؛
د خوړو او درملو ملي ادارې د خوړو د خوندیتوب عمومي رییس د آیسکریمو د تولیدي فابریکو د اتحادیې له غړو او مسؤولینو سره وکتل؛
1445/08/8 هـ ق
د افغانستان د خوړو او درملو ملي ادارې، د خوړو خوندیتوب عمومي رییس ډاکټر صاحب نعیم الله ایوبي او د یاد ریاست د نورو برخو رییسان په شتون کې د آیسکریم د تولیدي فابریکو د اتحاديې له غړو او مسؤولینو سره دوشنبه د روان 1445هـ ق کال د شعبان د میاشتې به 8 نیټه په خپل کاري دفتر کې وکتل.
په دغې کتنه کې یادې اتحادیې خپلې ستونزې او مشکلات شریک کړل او د ادارې څخه یې د ملاتړ غوښتنه وکړه.
په ورته وخت د خوړو د خوندیتوب عمومي رییس ډاکټر صاحب نعیم الله ایوبي هغوي ته د ښه راغلاست ترڅنګ د هغوي ستونزې او مشکلات واوریدل او د ادارې له اړخه یې د پوره ملاتړ ډاډ ورکړ، نوموړي له هغو څخه وغوښتل چې د خلکو او ماشومانو د روغتیا په موخه باید خپلې تولیدي فابریکې معیاري کړئ او خپلې پانګونې ته د پراختیا په ورکولو سره خپل تولید نورو هېوادونو ته هم صادر کړئ.
په دغې کتنه ښاغلي ایوبي د آیسکریم پر ټولو تولیدي فابریکو غږ وکړ ترڅو خپلې فابریکې معیاري کړئ او د سرغړونې په صورت کې به اداره د هغوی پر وړاندي قانوني اقدام پورته کړي.
د ناستې په پای کې د اتحاديې غړو او مسؤولینو ورته مواردو ته لیوالتیا وښوده او د پوره عملي کولو ډاډ یې ورکړ او یاده ناسته په دعایه کلام سره پای ته ورسیده.
